Die Afsaal kafee op Orania is dikwels die eerste stopplek, en vir meer as 10 jaar al ‘n bekende bymekaarkomplek, op die grootpad tussen Hopetown en Vanderkloof reg langs die vulstasie. Hierdie Bo-karoo kafee is ook ‘n handige geriefswinkel met kruideniersware, tydskrifte, verversings en wegneemetes vir die inwoners van Orania en omgewing. Reisigers  en toeriste besoek Afsaal graag om produkte eie aan Orania aan te skaf en om keurigvoorbereide wegneemetes aan te skaf. Ons noem dié sommer “Hap en stap”

Afsaal dien ook as rigtingwyser en besoekers verneem dikwels by Afsaal oor Orania, oornagplek, begeleide toere deur die omgewing en gesels in die algemeen met die vriendelike personeel.